ხელოვნების წრე

                                             ხელოვნების წრის მიზანია:

მოსწავლეებში ხელოვნებისადმი ინტერესის გაღრმავება:

სახვითი და გამოყენებითი ხელოვნების თეორიული ცოდნისა და პრაქტიკული უნარ-ჩვევების განვითარება და გამოყენება ყოველდღიურ ცხოვრებაში:

პრაქტიკული აზროვნების შემოქმედებითი და კომუნიკაციის უნარების განვითარება:

მოსწავლეებმა დაგეგმილი სამუშაოპროგრამის საფუძველზე შეისწავლონ:

სახვითი ხელოვნების ელემენტები და პრინციპები:

მოახდინონ ინტეგრაცია ხატვასა და მუსიკას შორის:

შექმნან ნახატები და გამოყენებითი ხელოვნების ნიმუშები და მოაწყონ გამოფენა:

                                         წრის მუშაობის პროგრამა:

წრის სასწავლო პროგრამის შედგენისას გავითვალისწინე მოსწავლეთა ინტერესები, V-VI-VII-VIII კლასის მოსწავლეები ყოველთვის ხალისით ასრულებენ პრაქტიკულ სამუშაოს,ამიტომ თეორიულ მასალასთან ერთად დავგეგმეთ პრაქტიკული დავალებები:

ხატვა,აპლიკაცია;

გამოყენებითი ხელოვნების ნიმუშების შექმნა:სამკაულები,ნაქარგები და სხ.

მოსწავლეებს აგრეთვე ძალიან უყვართ მუსიკა,სიმღერა,ამიტომ დავგეგმეთ ისეთი აქტივობები,სადაც მოსწავლეები მოახდენენ სიმღერისა და ნახატების ინტეგრაციას,შეისწავლიან და შეასრულებენ სხვადასხვა სიმღრებს ფანდურის თანხლებით.

     სახელოვნებო წრის ,,ნორჩი ხელოვანი“

                                                           სამუშაო გეგმა

გაკვეთილის ჩატარების თარიღ	თემა	მიზანი	რესურსი
26.09.2019	წრის მონაწილეებთან სამუშაო გეგმის გაცნობა	სოციალური უნარების განვითარება;წრის მონაწილეებს შორის მეგობრული ურთიერთობის ჩამოყალიბება.	წრის სამუშაო გეგმა
03.10.2019	ძველი სამყაროს ხელოვნება:ძველი ეგვიპტე-არქიტექტურა და ხელოვნება.ნახატის შესრულება თემაზე:ძველი ეგვიპტის კედლის მხატვრობა.	მოსწავლე გაეცნოს ძველი ეგვიპტის არქიტექტურას და ხელოვნებას,მოსწავლემ შეძლოს მიღებული ცოდნის საფუძველზე ნახატის შესრულება.	ხელმძღვანელის ლექცია:ინტერნეტ რესურსი,სახატავი ინსტრუმენტები.
10.10.2019	სახვითი ხელოვნების ძირითადი ჟანრი-პეიზაჟი	შემოქმედებითი უნარების განვითარება:მოსწავლემ შეძლოს ბუნებაზე დაკვირვების შედეგად გადაიღოს შემოდგომის პეიზაჟების ფოტოები და გააკეთოს ჩანახატი.	მინი ლექცია: ,,შემოდგომა ჩემს სოფელში“ ფოტოაპარატი,ნახატების შექმნა.
17.10.2019	პრაქტიკული სამუშაო ,,შემოდგომის პეიზაჟი“ ჩანახატების საფუძველზე და სიმღერასთან ასოცირება.	მოსწავლემ შეძლოს სახვითი ხელოვნების ელემენტებისა და პრინციპების გამოყენება ნამუშევარში,პრაქტიკული სამუშაო ,,შემოდგომის პეიზაჟი“	სახატავი რვეული,ფანქრები და სხვა.
24.10.209	მოსწავლეთა ნამუშევრების წარმოდგენა და სიმღერასთან ასოციაცია	მოსწავლეებმა შეძლონ ნახატის სიმღერასთან ასოცირება,სიმღერების წარმოდგენა.	მოსწავლეთა ნამუშევრები,ფანდური,მოწვეული სხვა კლასის მოსწავლეები.
31.10.2019	მოსწავლეებმა გააკეთონ პრეზენტაცია:როგორ ხვდება მცხეთობის დღესასწაულს ქართველი ერი.	მოსწავლემ შეძლოს ინფორმაციის მოძიება კომპიუტერული ტექნოლოგიების გამოყენებით და სხვა წყაროებიდან.	გაკეთებული პრეზენტაცია.
07.11.2019	გამოყენებითი ხელოვნების ნიმუშების შექმნა:ნაქარგი,სამკაულები.	მოსწავლემ გამოიყენოს არსებული ცოდნა და უნარი ნამუშევრების შექმნისას.	ფერადი ძაფები,ნემსი,ფერადი მძივები,ბისერები.
14.11.2019	დეკორაციული გამოყენებითი ხელოვნება	მოსწავლეებმა შეძლონ საკუთარ ინტერესებზე დაყრდნობით,როლური თამაშის განხორციელება.	ნახატების შექმნა
21.11.2019	დისკუსია თემაზე: ,,ადამიანი და სამყარო“	მოსწავლემ შეძლოს მსჯელობა რა როლი ენიჭება ადამიანს და ბუნებას სხვადასხვა მხატვრების შემოქმედებაში.	ნახატების რეპროდუქციები.
28.11.2019	ნახატის დახატვა თემაზე:ადამიანი და სამყარო.	მოსწავლემ ამოირჩიოს და შეძლოს ნახატის დახატვა თემაზე: 1.ადამიანი ბატონობს ბუნებაზე. 2.ადამიანი ბუნების მეგობარია. 3.ბუნება ბატონობს ადაიანზე. 4.ადამიანი ბუნების დამანგრეველია.	სახატავი ფურცლები,ფანქრები,საღებავები და სხვა.
05.12.2019	დისკუსია თემაზე:ჩემი მომავალი პროფესია.	მოსწავლემ იმსჯელოს და გამოთქვას თავისი აზრი თუ როგორ წარმოუდგენია თავისი თავი მომავალ პროფესიაში.	ნახატების შექმნა.
12.12.2019	პრაქტიკული სამუშაო:ხატვა თემაზე ,,ზამთარი“	მოსწავლემ შეძლოს ზამთრის განწყობის შექმნა ნახატში.	სახატავი ინსტრუმენტები.
19.12.2019	თემა:გამოყენებითი ხელოვნების დარგები,რომელია ჩემთვის უფრო საინტერესო.	მოსწავლე გაეცნოს გამოყენებითი ხელოვნების სხვადასხვა დარგებს,შეძლოს მსჯელობა და გამოყოს მისთვის ყველაზე საინტერესო დარგი.	მინი ლექცია:მასწავლებელი მოსწავლეების მსჯელობა.
26.12.2019	საახალწლო კედლის გაზეთის გამოშვება.	მოსწავლეებმა შეძლონ სხვადასხვა მასალის გამოყენებით,ჯგუფური გაზეთის გამოშვება.	დიდი ფორმატის თეთრი ქაღალდი,ფერადი ფლომასტერები,საღებავები და სხვა.